ប្រាក់ដុល្លារអាមេរិកបានចុះខ្សោយ បន្ទាប់ពីប្រធានធនាគារកណ្តាលអាមេរិកប្រចាំទីក្រុងញូវយ៉ក លោក John Williams បានបញ្ជាក់ជាថ្មីថា ការដំឡើងអត្រាការប្រាក់ម្តងទៀតក្នុងឆ្នាំ 2026 អាចជារឿងសមស្រប ប៉ុន្តែលោកមិនមើលឃើញថា ចាំបាច់ត្រូវដំឡើងអត្រាការប្រាក់បន្ថែមទៀតក្នុងឆ្នាំ 2027 នោះទេ នៅក្រោមការវាយតម្លៃបច្ចុប្បន្ន។ លោក Williams រំពឹងថា អតិផរណានឹងថយចុះឆ្ពោះទៅរកគោលដៅ 2% របស់ Fed នៅឆ្នាំក្រោយ ដោយសារឥទ្ធិពលនៃពន្ធគយ និងការកើនឡើងនៃតម្លៃថាមពលថមថយចុះ។
ការលើកឡើងរបស់លោកបានធ្វើឱ្យការរំពឹងទុកចំពោះទិសដៅអត្រាការប្រាក់ក្នុងរយៈពេលវែងមានភាពធូរស្រាលជាងមុន ដែលបានរួមចំណែកធ្វើឱ្យអត្រាផលចំណេញមូលបត្របំណុលអាមេរិក (Treasury Yields) ធ្លាក់ចុះ និងដាក់សម្ពាធបន្ថែមលើប្រាក់ដុល្លារអាមេរិក។ តម្លៃមាសបានកើនឡើងប្រមាណ 0.24% ខណៈទីផ្សារកំពុងប្រតិកម្មចំពោះការលើកឡើងរបស់លោក Williams ដោយសារការរំពឹងទុកថា គោលនយោបាយរូបិយវត្ថុអាចមានភាពតឹងរ៉ឹងតិចជាងមុនចាប់ពីឆ្នាំ 2027 តទៅ បានផ្តល់ការគាំទ្រមួយចំនួនដល់តម្លៃមាស។
ទោះជាយ៉ាងណា ទស្សនវិស័យទីផ្សារនៅតែអាស្រ័យលើទិន្នន័យសេដ្ឋកិច្ច។ បច្ចុប្បន្ន ទីផ្សារកំពុងរង់ចាំការចេញផ្សាយទិន្នន័យសន្ទស្សន៍ថ្លៃទំនិញប្រើប្រាស់របស់សហរដ្ឋអាមេរិក (CPI) នៅថ្ងៃនេះ វេលាម៉ោង 19:30 (GMT+7) ដែលអាចផ្តល់តម្រុយបន្ថែមអំពីសម្ពាធអតិផរណា និងជះឥទ្ធិពលដល់ការរំពឹងទុកចំពោះការសម្រេចចិត្តគោលនយោបាយរបស់ Fed នាពេលខាងមុខ។ លទ្ធផលនេះអាចកំណត់ថា តើប្រាក់ដុល្លារអាមេរិក និងអត្រាផលចំណេញមូលបត្របំណុលអាមេរិកនឹងងើបឡើងវិញ ឬតម្លៃមាសនឹងបន្តទទួលបានការគាំទ្រ និងកើនឡើងបន្ថែមទៀត។
| English Version |
The US dollar weakened after New York Fed President John Williams reiterated that one additional rate hike may be appropriate in 2026 but indicated that further increases may not be necessary in 2027. Williams expects inflation to ease toward the Fed’s 2% target next year as the effects of tariffs and higher energy prices diminish.
His comments tempered the longer-term interest-rate outlook, contributing to a decline in Treasury yields and putting additional pressure on the dollar. Gold gained approximately 0.24% as markets reacted to Williams’s remarks, as the prospect of less restrictive monetary policy beyond 2026 provided some support.
Nevertheless, the outlook remains data-dependent. Markets are now awaiting the release of US Consumer Price Index (CPI) data later today at 19:30 (GMT+7), which could provide further clues about inflationary pressures and influence expectations for the Fed’s next policy move. The results may determine whether the dollar and Treasury yields regain upward momentum or gold extends its gains.
