ភាពតានតឹងកើនឡើងជាថ្មីនៅច្រកសមុទ្រ Hormuz ជំរុញឱ្យតម្លៃប្រេងឡើងថ្លៃ

ភាពតានតឹងផ្នែកភូមិសាស្ត្រនយោបាយនៅច្រកសមុទ្រ Hormuz បានកើនឡើងជាថ្មី បន្ទាប់ពីអ៊ីរ៉ង់ត្រូវបានចោទប្រកាន់ថាបានវាយប្រហារលើនាវាពាណិជ្ជកម្មចំនួនបី ដែលកំពុងធ្វើដំណើរនៅក្បែរច្រកសមុទ្រដ៏សំខាន់នេះ រួមទាំងនាវាដឹកឧស្ម័នធម្មជាតិរាវ (LNG) ដែលមានទង់ជាតិកាតា al-Rakiyat ផងដែរ។ ប្រទេសកាតាបានថ្កោលទោសការវាយប្រហារនេះថាជា «ការរំលោភច្បាប់អន្តរជាតិយ៉ាងធ្ងន់ធ្ងរ និងច្បាស់លាស់» ហើយបានអំពាវនាវឱ្យអ៊ីរ៉ង់បញ្ឈប់ជាបន្ទាន់នូវសកម្មភាពដែលគំរាមកំហែងដល់សន្តិសុខក្នុងតំបន់ និងការធ្វើនាវាចរអន្តរជាតិ។ ខណៈដែលប្រព័ន្ធផ្សព្វផ្សាយដែលមានទំនាក់ទំនងជាមួយរដ្ឋអ៊ីរ៉ង់បានរាយការណ៍ថា នាវានេះត្រូវបានវាយប្រហារបន្ទាប់ពីមិនអើពើនឹងការព្រមានជាច្រើនលើក។ ទោះជាយ៉ាងណា អ៊ីរ៉ង់មិនទាន់បានបញ្ជាក់ជាផ្លូវការលើព័ត៌មាននេះនៅឡើយទេ។

ជាការឆ្លើយតប សហរដ្ឋអាមេរិកបានបើកការវាយប្រហារលើយោធាអ៊ីរ៉ង់ ដោយបញ្ជាការកណ្តាលសហរដ្ឋអាមេរិក (U.S. Central Command) បានបញ្ជាក់ថា ប្រតិបត្តិការនេះធ្វើឡើងដើម្បីឆ្លើយតបនឹងការវាយប្រហាររបស់អ៊ីរ៉ង់លើនាវាពាណិជ្ជកម្មទាំងបី។ ជាមួយគ្នានេះដែរ រដ្ឋាភិបាលសហរដ្ឋអាមេរិកក៏បានបង្កើនសម្ពាធសេដ្ឋកិច្ច ដោយលុបចោលការផ្អាកដាក់ទណ្ឌកម្មជាបណ្តោះអាសន្ន ដែលធ្លាប់អនុញ្ញាតឱ្យអ៊ីរ៉ង់នាំចេញប្រេងឆៅ និងផលិតផលប្រេងក្រោមអនុស្សរណៈយោគយល់គ្នា (MoU) រវាងសហរដ្ឋអាមេរិក និងអ៊ីរ៉ង់កាលពីខែមុន។ ក្រុមហ៊ុនដែលពាក់ព័ន្ធត្រូវបញ្ចប់ប្រតិបត្តិការទាំងអស់មុនថ្ងៃទី 17 ខែកក្កដា។

ការវិវឌ្ឍចុងក្រោយនេះបានបង្កើនការព្រួយបារម្ភអំពីការរំខានដល់ការផ្គត់ផ្គង់ថាមពលសកល ខណៈប្រេងប្រមាណមួយភាគប្រាំនៃពិភពលោកត្រូវបានដឹកជញ្ជូនឆ្លងកាត់ច្រកសមុទ្រ Hormuz។ ដោយសារក្តីបារម្ភនេះ តម្លៃប្រេង Brent បានកើនឡើង 5.40% កាលពីថ្ងៃអង្គារ ខណៈ WTI បានកើនឡើង 5.26% ដោយសារវិនិយោគិនបានបញ្ចូលហានិភ័យភូមិសាស្ត្រនយោបាយ និងលទ្ធភាពនៃការរឹតបន្តឹងការផ្គត់ផ្គង់ប្រេងទៅក្នុងការវាយតម្លៃទីផ្សារ។

សេចក្តីសង្ខេបសន្និសីទកំពូល NATO ថ្ងៃទី 1 នៅទីក្រុង Ankara

នេះគឺជាថ្ងៃទី 1 នៃសន្និសីទកំពូល NATO ដែលមានរយៈពេលពីរថ្ងៃ។ 

• ប្រធានាធិបតីសហរដ្ឋអាមេរិក លោក Donald Trump បានបញ្ជាក់ថា ការសម្រេចចិត្តជុំវិញការលក់យន្តហោះចម្បាំង F-35 ទៅឱ្យប្រទេសទួរគីនឹងត្រូវប្រកាសក្នុងពេលឆាប់ៗនេះ ហើយសហរដ្ឋអាមេរិកក៏នឹងដកទណ្ឌកម្មដែលបានដាក់លើទួរគីកាលពីឆ្នាំ 2019 បន្ទាប់ពីប្រទេសនេះបានទិញប្រព័ន្ធការពារដែនអាកាស S-400 ពីរុស្ស៊ី។ ទន្ទឹមនឹងនេះ ប្រធានាធិបតីទួរគី លោក Erdoğan បានអះអាងថា លោកបានទទួលការធានារួចហើយថា ទួរគីនឹងទទួលបានយន្តហោះ F-35 ចំនួន 5 គ្រឿង។ 
• នាយករដ្ឋមន្ត្រីអ៊ីស្រាអែល លោក Benjamin Netanyahu បានជំទាស់នឹងការលក់យន្តហោះ F-35 ទៅឱ្យទួរគី ដោយព្រមានថា វាអាចប៉ះពាល់ដល់តុល្យភាពកម្លាំងយោធានៅតំបន់មជ្ឈិមបូព៌ា។
• ទិន្នន័យថ្មីរបស់ NATO ក៏បានបង្ហាញផងដែរថា មានតែប្រទេសសមាជិកចំនួន 5 ប៉ុណ្ណោះដែលស្ថិតនៅលើផ្លូវឆ្ពោះទៅរកការសម្រេចគោលដៅចំណាយលើវិស័យការពារជាតិរបស់សម្ព័ន្ធនៅឆ្នាំនេះ ខណៈប្រទេសមួយចំនួនទៀតនៅតែចំណាយទាបជាងគោលដៅ។
• នាយករដ្ឋមន្ត្រីដាណឺម៉ាក លោកស្រី Mette Frederiksen បានឆ្លើយតបទៅនឹងការលើកឡើងជាថ្មីរបស់លោក Trump អំពីកោះ Greenland ដោយបញ្ជាក់ថា សម្ព័ន្ធមិត្តទាំងអស់គួរតែគោរពអធិបតេយ្យភាពរបស់ប្រទេសដាណឺម៉ាក។ 
• ប្រទេសន័រវែសបានសន្យាផ្តល់ជំនួយយោធាប្រមាណ 306 លានដុល្លារ ដើម្បីជួយអ៊ុយក្រែនពង្រឹងសមត្ថភាពការពារខ្លួនពីការវាយប្រហារដោយមីស៊ីល។

ផលប៉ះពាល់ដល់ទីផ្សារ៖ ទោះបីជាសន្និសីទនេះទទួលបានការចាប់អារម្មណ៍យ៉ាងខ្លាំងពីទស្សនៈភូមិសាស្ត្រនយោបាយក៏ដោយ ក៏វាមិនមែនជាកត្តាចម្បងដែលជំរុញចលនាតម្លៃមាស និងប្រេងនៅពេលនេះដែរ។ ផ្ទុយទៅវិញ ទីផ្សារកំពុងផ្តោតការយកចិត្តទុកដាក់ទៅលើភាពតានតឹងដែលកំពុងកើនឡើងនៅច្រកសមុទ្រ Hormuz ដែលការវាយប្រហារលើនាវាពាណិជ្ជកម្ម និងការដាក់ទណ្ឌកម្មជាថ្មីរបស់សហរដ្ឋអាមេរិកលើការនាំចេញប្រេងរបស់អ៊ីរ៉ង់ បានបង្កើនក្តីបារម្ភអំពីការផ្គត់ផ្គង់ថាមពលសកល។ សម្រាប់ថ្ងៃទី 2 នៃសន្និសីទ វិនិយោគិនគួរតាមដានការលើកឡើងណាមួយរបស់ លោក Donald Trump ពាក់ព័ន្ធនឹងអ៊ីរ៉ង់ ព្រោះសញ្ញាណណាមួយអំពីការរឹតបន្តឹងទណ្ឌកម្មបន្ថែម ឬការកើនឡើងនៃភាពតានតឹងផ្នែកយោធា អាចប៉ះពាល់ដល់ទិសដៅទីផ្សារ។ ទោះជាយ៉ាងណាក៏ដោយ កំណត់ហេតុកិច្ចប្រជុំ FOMC  ដែលនឹងចេញផ្សាយនៅម៉ោង 1:00 ព្រឹក (GMT+7) ថ្ងៃស្អែក ត្រូវបានរំពឹងថានឹងក្លាយជាកត្តាសំខាន់ជាងសម្រាប់ទីផ្សារមាស ខណៈវិនិយោគិនស្វែងរកតម្រុយបន្ថែមអំពីទិសដៅគោលនយោបាយរូបិយវត្ថុរបស់ធនាគារកណ្តាលសហរដ្ឋអាមេរិក (Federal Reserve)។

| English Version |

Tensions Escalate Again in the Strait of Hormuz, Sending Oil Prices Higher

Geopolitical tensions in the Strait of Hormuz intensified after Iran allegedly attacked three commercial vessels transiting near the strategic waterway, including the Qatari-flagged LNG tanker al-Rakiyat. Qatar condemned the incident as a “grave and explicit violation of international law” and called on Iran to immediately cease actions that threaten regional security and international shipping. While Iranian state-linked media reported that the tanker was struck after allegedly ignoring repeated warnings, no official confirmation was provided by Tehran.

In response, the United States launched military strikes against Iranian targets, with U.S. Central Command stating the operation was conducted in retaliation for the attacks on the commercial vessels. Washington also increased economic pressure by revoking its temporary sanctions waiver that had allowed Iranian crude oil and petrochemical exports under last month’s interim U.S.-Iran agreement. Companies have until July 17 to wind down any remaining transactions involving Iranian oil.

The renewed conflict has raised concerns over potential disruptions to global energy supplies, as roughly one-fifth of the world’s oil passes through the Strait of Hormuz. Reflecting these fears, Brent crude oil rose 5.40% on Tuesday, while WTI crude gained 5.26%, as traders priced in higher geopolitical risk and the possibility of tighter oil supply.

NATO Summit Day 1 in Ankara: Quick Recap

This was day one of a two-day summit.

• Trump said a decision on selling F-35 jets to Turkey is coming, and he’ll lift the sanctions Turkey got hit with back in 2019 for buying Russian air defense gear. Erdoğan says he’s already been promised five jets.
• Netanyahu spoke out against the F-35 sale, saying it would upset the military balance in the Middle East.
• New NATO numbers show only five members are on track to hit the alliance’s defense spending target this year — some are still spending far less.
• Denmark’s PM pushed back after Trump brought up Greenland again, saying allies need to respect Danish sovereignty.
• Norway pledged about $306 million to help Ukraine defend against missile attacks.

Market impact: While the summit has attracted significant geopolitical attention, it has not been the primary driver of gold and oil prices. Instead, markets remain focused on the escalating tensions in the Strait of Hormuz, where attacks on commercial vessels and renewed U.S. sanctions on Iranian oil have increased concerns over global energy supplies. Looking ahead, traders should monitor any comments from President Trump on Iran during the second day of the summit, as any indication of further sanctions or military escalation could influence market sentiment. However, the FOMC Meeting Minutes, scheduled for release at 1:00 AM (GMT+7) tomorrow, are expected to be the more significant catalyst for gold as investors look for further clues on the Federal Reserve’s policy outlook.