ទោះបីជាទិន្នន័យអត្រាអតិផរណាបានថយចុះបន្តិចកាលពីយប់មិញដែលជាព័ត៌មានល្អសម្រាប់សេដ្ឋកិច្ចក៏ដោយ ក៏ទីផ្សារភាគហ៊ុនបានប្រឈមមុខនឹងភាពច្របូកច្របល់ម្តងទៀតនោះដែរ។ ជាក់ស្តែង សន្ទស្សន៍ VIX ដែលជាសូចនាករវាស់ស្ទង់ទៅលើភាពភ័យខ្លាចរបស់វិនិយោគិនបានកើនឡើងខ្ពស់រហូតទៅដល់ 10%, ចំណែកឯភាគហ៊ុនធំៗក្នុង Magnificent-7 ក៏បានធ្លាក់ចុះយ៉ាងខ្លាំង និង S&P 500 ថយចុះគួរឱ្យកត់សម្គាល់។ ទាំងនេះសុទ្ធតែជំរុញឱ្យវិនិយោគិនផ្លាស់ប្តូរការវិនិយោគមកលើទ្រព្យសម្បត្តិដែលមានសុវត្ថិភាពវិញ ដូចជាមាសជាដើម។
នេះជាអ្វីដែលអ្នកគួរដឹង៖
ភាពភ័យខ្លាចនៃការធ្លាក់ចុះសេដ្ឋកិច្ចឥឡូវនេះបានកើនឡើង មិនត្រឹមតែដោយសារតែភាពទន់ខ្សោយនៃទស្សនវិស័យសេដ្ឋកិច្ចតែមួយមុខប៉ុណ្ណោះទេ ប៉ុន្តែការរកប្រាក់ចំណូលរបស់ក្រុមហ៊ុននីមួយៗក៏បានបង្ហាញពីការធ្លាក់ចុះនោះដែរ។ គួបផ្សំជាមួយនឹងភាពមិនប្រាកដប្រជានៅក្នុងគោលនយោបាយមិនអាចទាយទុកជាមុនបានរបស់លោក Trump និងភាពតានតឹងភូមិសាស្ត្រនយោបាយដែលមិនទាន់ត្រូវបានដោះស្រាយទៀតនោះ។ ទាំងនេះសុទ្ធតែជំរុញឱ្យមានភាពភ័យខ្លាចកាន់តែច្រើន។
លោក Trump កាលពីយប់មិញបានគំរាមដាក់ពន្ធ 200% លើ “ស្រា ស្រាសំប៉ាញ និងផលិតផលគ្រឿងស្រវឹងទាំងអស់ដែលចេញមកពីប្រទេសបារាំង និងសហភាពអឺរ៉ុបផ្សេងទៀត ប្រសិនបើពន្ធមិនត្រូវបានដកចេញភ្លាមៗ”។
មិនត្រឹមតែប៉ុណ្ណោះ លោក Trump ក៏បានលើកឡើងផងដែរថា “កាណាដាត្រូវការអាមេរិក ប៉ុន្តែអាមេរិកមិនត្រូវការប្រទេសកាណាដាទេ” ហើយនេះពិតជាបានបង្ហាញថា គាត់មិនខ្វល់អំពីទីផ្សារភាគហ៊ុនពិតមែន។ ជាក់ស្តែង គោលនយោបាយរបស់លោក Trump មានទំនោរច្រើនទៅលើសង្គ្រាមពាណិជ្ជកម្ម ដែលគាត់សុខចិត្តទទួលយកការធ្លាក់ចុះសេដ្ឋកិច្ចនារយៈពេលខ្លី ដើម្បីទទួលបានកំណើនល្អប្រសើរក្នុងរយៈពេលវែង។
ខណៈពេលដែលអ៊ុយក្រែនបានសង្កត់ធ្ងន់លើការព្រួយបារម្ភរបស់គាត់អំពីបទឈប់បាញ់ជាមួយរុស្ស៊ី លោក Trump ក៏ប្តេជ្ញាការពាររឿងនេះពីការកើតឡើង ហើយនឹងមានការពិភាក្សាបន្ថែមទៀតរវាងរុស្ស៊ី។
លើសពីនេះ វិនិយោគិនល្បីៗជាច្រើនបានលក់ទ្រព្យសកម្មរបស់ពួកគេ ហើយក្នុងនោះក៏មានលោក Warren Buffett ដែលជាវិនិយោគិនដ៏ល្បីមួយរូបក្នុងទីផ្សារភាគហ៊ុនផងដែរ។ សូម្បីតែ CME Fedwatch Tool ក៏បានព្យាករណ៍ថានឹងកាត់បន្ថយអត្រាការប្រាក់ចំនួន 3 ដងនៅឆ្នាំនេះ បើទោះបីជា 2 ខែមុន មនុស្សជាច្រើនមិនប្រាកដអំពីការបន្ធូរបន្ថយបន្ថែមទៀតក៏ដោយ។
ទាំងអស់នេះកំពុងបង្ហាញពីការភ័យខ្លាចនៃការធ្លាក់ចុះសេដ្ឋកិច្ចកាន់តែច្រើនពីភាពទន់ខ្សោយនៃសន្ទស្សន៍អារម្មណ៍វិនិយោគិន ដែលនាំឱ្យទីផ្សារភាគហ៊ុនអាមេរិកដំណើរការមិនប្រក្រតី ឬទាបជាង បើប្រៀបធៀបទៅនឹងទីផ្សារពិភពលោក។ ដូច្នេះហើយ វិនិយោគិនជាច្រើនឥឡូវនេះកំពុងស្វែងរកទ្រព្យសម្បត្តិដែលមានសុវត្ថិភាព ទោះបីជាយើងនៅតែមិនប្រាកដអំពីរយៈពេលដែលទីផ្សារភាគហ៊ុនត្រូវការសម្រាប់ការងើបឡើងវិញក៏ដោយ។
|English Version|
The stock market has once again experienced another turbulence despite having soft inflation data last night. In fact, the fear index—VIX index—surged higher by roughly 10%, Magnificent-7 took a heavy blow, S&P500 closed in correction territory, while many are now shifting the focus to safe haven assets such as gold.
Here’s something you should know:
Arising recession fear is now in charge, not only because of weakness in economic outlook alone, but weak earnings are coming to play, uncertainty in Trump’s unpredictable policies and a completed unresolved geopolitical tension.
Trump last night threatened to impose 200% on “all WINES, CHAMPAGNES, & ALCOHOLIC PRODUCTS COMING OUT OF FRANCE AND OTHER E.U. REPRESENTED COUNTRIES” if the tariff is not removed immediately.
Not only that, Trump also mentioned that “Canada needs America; America does not need Canada,” raising even more possibility that Trump really meant it when he said he does not care about the stock market. As a matter of fact, Trump’s approach was more on trade war, which he is willing to take on more short-term pain for the long-term growth.
While Ukraine emphasized his concern about a ceasefire with Russia, Trump is committed to preventing this from happening and furthered discussion between Russia and Trump.
Furthermore, global hedge funds are selling their assets, and that also includes Warren Buffett, the godfather of the stock market. Even CME Fedwatch Tool also projects a 3-rate cut this year, which for the lasted 2 months—many were unsure about further easing.
These all show more recession fears from weak investor sentiment, which has led the US stock market to underperform compared to the global market after Trump’s inauguration. Therefore, many investors are now seeking a safe haven asset, although we are still unsure about how long it takes for recovery.
